Vedtak 23/20

Tvist om rett til stilling for deltidstilsette tilsvarande faktisk arbeidstid etter arbeidsmiljølova
§ 14-4 a.

Saksnummer: 23/20

Dato: 11.02.2020

Utfall: Delvis medhold

Vedtaksdokument

Beskrivelse

Fagarbeidar i stilling på 40 prosent som vikar i barnehage fekk auka stilling til 50 prosent. Ei einstemmig nemnd kom til at meirarbeidet var jamleg og at arbeidsgivar i tilstrekkeleg grad hadde sannsynleggjort at behovet for delar av meirarbeidet var borte. Redusert tal på barn gjorde at barnehagen med dagens bemanning hadde eit heilt årsverk til å dekkje opp sjukemeldingar og anna fråvær, samanlikna med situasjonen i berekningsperioden. Nemnda gjorde ei skjønsmessig vurdering og kom til at det framleis var behov for delar av meirarbeidet og ga difor medhald til ei stillingsauke på 10 prosent.